#Wiki4Women - átak UNESCO og Wikimedia Foundation á alþjóðlegum baráttudegi kvenna

Í tilefni af alþjóðlegum baráttudegi kvenna, tekur Ísland þátt í að styrkja ákall UNESCO og Wikimedia Foundation um að stuðla að aukinni umfjöllun um konur á upplýsingasíðum Wikimedia. Á Wikipedia eru 12.152 greinar um Íslendinga, en einungis tæplega 19% af þeim er um konur sem þó er örlítið hærra hlutfall en á alþjóðavísu. Kristján Andri Stefánsson, sendiherra og fastafulltrúi Íslands gagnvart UNESCO og Ingibjörg Davíðsdóttir sendiherra og kosningastjóri framboðs Íslands til setu í framkvæmdastjórn UNESCO 2021-2025, tóku þátt í að rétta af kynjaskekkjuna á Wikipedia í höfuðstöðvum UNESCO í París í dag.

Audrey Azoulay, aðalframkvæmdastjóri UNESCO og Ingibjörg Davíðsdóttir sendiherra

Kristján Andri Stefánsson og Ingibjörg Davíðsdóttir