Lyftistöng fyrir íþróttalíf á Fljótsdalshéraði
Viðbyggingin hýsir fullbúið fimleikahús ásamt hlaupabrautum og stökkgryfju fyrir frjálsar íþróttir. Húsið er byggt af íþróttafélaginu Hetti í samvinnu við sveitarfélagið Fljótsdalshérað og er rúmlega 1000 fm að stærð.
Auk ráðherra var Guðni Th. Jóhannesson forseti Íslands viðstaddur vígsluna ásamt fulltrúum Ungmennafélags Íslands, Íþrótta- og Ólympíusambandsins og sveitarstjórnar Fljótsdalshéraðs. Þá fjölmenntu grunnskólabörn sveitarfélagsins á vígsluna enda húsið mikil lyftistöng fyrir þeirra íþróttaiðkun til framtíðar.