Sendiherra afhendir forseta Sviss trúnaðarbréf
Einar Gunnarsson, sendiherra Íslands gagnvart Sviss og fastafulltrúi gagnvart alþjóðastofnunum í Genf, afhenti Ignazio Cassis, forseta Sviss, trúnaðarbréf síðastliðinn þriðjudag.
Við það tilefni ræddu Einar og Cassis, sem enn fremur gegnir embætti utanríkisráðherra, samstarf ríkjanna á vettvangi EFTA og á norðurslóðum. Horfur öryggismála í Evrópu og samráð Íslands og Sviss á sviði mannréttindamála bar einnig á góma.
Forsetar Sviss eru kjörnir af sambandsþingi ríkisins úr hópi starfandi ráðherra og gegna embætti til eins árs í senn.