Ráðist í kynbætur á byggi, hveiti og höfrum
Verkefnið er fyrsta sinnar tegundar á Íslandi en ekki hefur verið unnið að kynbótum áður á hveiti og höfrum hérlendis. Nýjustu aðferðum við kynbætur í nytjaplöntum, sem ekki hefur verið nýtt hérlendis áður, er beitt í verkefninu. Þær aðferðir hraða mjög kynbótum og skila fyrr árangri.
Verkefni um kynbætur á byggi hófst í apríl 2023 sem byggir á tillögu úr skýrslunni Bleikum ökrum sem Lbhí vann um um eflingu kornræktar og kom út í mars sama ár. Hlé hefur verið á kynbótastarfi á byggi um nokkurt skeið en verulegt starf var unnið á árum áður undir forystu Þorsteins Tómassonar og Jónatans Hermannssonar. Verkefnið markar nýtt upphaf kornkynbóta á Íslandi.
Helsta markmið verkefnisins er að þróa og kynbæta yrki byggs, , hafra og hveitis löguð að íslenskum aðstæðum. Annað markmið er að byggja upp hæfni og getu í plöntukynbótum og plöntuerfðafræði á Íslandi.
Gert er ráð fyrir að framlengja samkomulagið árlega til eins árs í senn fram til ársloka 2028. Niðurstöður tilrauna verða gefnar út fyrir bændur, ráðgjafa og sáðvöruinnflytjendur.
Tags
Heimsmarkmiðin
9. Nýsköpun og uppbygging
8. Góð atvinna og hagvöxtur
2. Ekkert hungur